الرئيسية
قبل ما أطفي الكمبيوتر وأنام فكرت أهديكم هذي الوصفة الخاصة بكيفية عمل قلاية البندورة
في الواقع غشيتها من الشيف طقعزي المتخصص بهيك أكلات بس للأسف ما بيطلع عالمحطات الفضائية.
المقادير:
حبة حبتين قول عشر حبات بنضورة (بندورة)
راس بصل راسين قد ما بدك
ثوم ابو ريحة فايعة مقشر او مش مقشر ما بتفرقش
سمنة بلدية من ام الكوليسترول من معلقة لربع تنكة
50 غرام لحمة مفرومة او راس عصفور (قال راس عصفور قال)
خمس ست سبع بيظات من جاجة ما تكون مفلوزة
قرن فلفل أخو أخته يعني بيحرق حرق
ملح وفلفل أسود او اختار اللون اللي بناسبك
رقم تلفون أقرب مطعم إلك (بعدين بقوللك ليش)
الطريقة
بتفرم البصل ناعم خشن والا يجعله عمرة ما انفرم واذا خايف عينيك تدمع في عندي طريقة طقع مستحيل عينيك تدمع فيها (انتوا عارفين ليش بوجه كلامي للخناشير بس ... لأنه هاي الأكلة تخصص مقاطيع وعزابية أو اللي مرته حردانه عند أهلها) المهم أحسن طريقة حتى عينيك ما تدمع هي إنك تخلي جارتك تفرملك البصلات.
بعد ما تفرم البصل بتزته بالقلاية اللي بتكون على النار وبتكون فيها السمنة بتطشطش على طول بينحرق البصل بتزت وراه البندورة اللي بتكون فرمتها طبعا رح تسألني شو اسوي باللحمة ... أنا بقوللك بلاش نعرط على بعض هو في حدى لاقي حق اللحمة هالأيام.
ومن باب الفلسفة اللي طالعينلنا فيها الشفات هالأيام بقوللك رش الملح بنص الإستوا تاع الطبخة والفلفل قبل ما تطفي الغاز ب 10 ثواني لا تسألني ليش هاظا اللي اجاك
بتترك القلاية لتصير ما بعرف كيف بس لما تشوفها نشفت وانحرقت وطلعت ريحتها بتمسكها زي ما بيعملوا الشيفات بواسطة مساكة حتى ما تحرق ايدك وبتكبها هي واللي فيها بالزبالة.
هون بيجي دور ليش قلتلك لازم يكون عندك رقم تلفون اقرب مطعم إلك حتى تتصل فيه وتطلب صحن طبيخ والصحيح الصحيح انا متاكد انك رح تختمها بسندويشة فلافل
وصحتين وعافية
في الواقع غشيتها من الشيف طقعزي المتخصص بهيك أكلات بس للأسف ما بيطلع عالمحطات الفضائية.
المقادير:
حبة حبتين قول عشر حبات بنضورة (بندورة)
راس بصل راسين قد ما بدك
ثوم ابو ريحة فايعة مقشر او مش مقشر ما بتفرقش
سمنة بلدية من ام الكوليسترول من معلقة لربع تنكة
50 غرام لحمة مفرومة او راس عصفور (قال راس عصفور قال)
خمس ست سبع بيظات من جاجة ما تكون مفلوزة
قرن فلفل أخو أخته يعني بيحرق حرق
ملح وفلفل أسود او اختار اللون اللي بناسبك
رقم تلفون أقرب مطعم إلك (بعدين بقوللك ليش)
الطريقة
بتفرم البصل ناعم خشن والا يجعله عمرة ما انفرم واذا خايف عينيك تدمع في عندي طريقة طقع مستحيل عينيك تدمع فيها (انتوا عارفين ليش بوجه كلامي للخناشير بس ... لأنه هاي الأكلة تخصص مقاطيع وعزابية أو اللي مرته حردانه عند أهلها) المهم أحسن طريقة حتى عينيك ما تدمع هي إنك تخلي جارتك تفرملك البصلات.
بعد ما تفرم البصل بتزته بالقلاية اللي بتكون على النار وبتكون فيها السمنة بتطشطش على طول بينحرق البصل بتزت وراه البندورة اللي بتكون فرمتها طبعا رح تسألني شو اسوي باللحمة ... أنا بقوللك بلاش نعرط على بعض هو في حدى لاقي حق اللحمة هالأيام.
ومن باب الفلسفة اللي طالعينلنا فيها الشفات هالأيام بقوللك رش الملح بنص الإستوا تاع الطبخة والفلفل قبل ما تطفي الغاز ب 10 ثواني لا تسألني ليش هاظا اللي اجاك
بتترك القلاية لتصير ما بعرف كيف بس لما تشوفها نشفت وانحرقت وطلعت ريحتها بتمسكها زي ما بيعملوا الشيفات بواسطة مساكة حتى ما تحرق ايدك وبتكبها هي واللي فيها بالزبالة.
هون بيجي دور ليش قلتلك لازم يكون عندك رقم تلفون اقرب مطعم إلك حتى تتصل فيه وتطلب صحن طبيخ والصحيح الصحيح انا متاكد انك رح تختمها بسندويشة فلافل
وصحتين وعافية